viernes, diciembre 31, 2010

2010

Se termina 2010, y este post se une a los miles que circulan haciendo valoraciones del año. Así he visto yo el año:
En el plano político, se podría decir que es el año en el que han volado todas las caretas, el sistema financiero presiona y fuerza la aprobación de leyes a cara descubierta, el PP ha ganado las elecciones del 2011 simplemente haciendo
nada, el PSOE gobierna “centrado” en la derecha militarizando aeropuertos y legislando porque si , gracias a los “cables”  se confirma todo y más de lo que ya imaginábamos de los USA, los sindicatos mayoritarios aplazan las protestas para que la reforma laboral
se apruebe sin movimiento social, y así podríamos seguir media mañana, pero todo lo que os cuento se puede resumir en una frase:  La política ha fracasado mientras que el poder financiero  es quien toma las riendas a todos los niveles de la sociedad, desde
la comunidad de vecinos hasta los ministerios estatales.
En el plano social hay movimiento, la gente está incómoda y se está agotando la paciencia, fuera de las fronteras estatales los estudiantes y trabajadores se manifiestan de verdad y salen a la calle a luchar por lo que les corresponde,
el futuro. Se dan manifestaciones en UK en Italia, Grecia y Francia, en España se sustituye CNN+ por GH24 horas
 
 

jueves, diciembre 16, 2010

Qui mos gubierna?


Agora mas que mai queda platero, y cualsiquier puet comprebar-lo en cualsiquier diario, asti no mos gubiernan os politicos que votamos sino as empresas y o mundo financiero. Os mercaus "chantajean" de contino a os paises ta que retallen os dreitos socials y asinas en haber de mas ganancias. O control ye total, nomas cal veyer l'ixemplo de Moody's, que ye l'instrumento d'os grandes capitales ta que os gubiernos chusmesos aceuten as suyas normas, en atras parolas, ye "lo macarra". Por ixemplo fa dos diyas Moody's menazó a o gubierno espanyol con rebaixar a suya calificacion, dentre atras cosas porque l'aplicacion d'a reforma laboral yeran tardando masiau, isto ha feito que o mercau financiero espanyol haiga habiu que vender a deuda a un intres mas altero que fa un mes, si "lo Macarra" ese estau callau isto no ese pasau. Iste ye o "chantaje" o fas lo que te digo o te baixo a calificacion, con ixo no n'i ha gubierno que chiste.

Chino chano s'aclara cuala ye a situgación, ista crisis ye pensada y orquestada por o mundo financiero cuya intencion ye blincar-se os dreitos socials y cambear o mundo enta una estructura laboral similar a la de los dragones asiaticos, "muito treballo poco sueldo". Por isto podetz prexinar que votetz lo que votetz en as proximas eleucions no n'i habra cambeo sin cambeo de sistema.

lunes, septiembre 20, 2010

Nomás GRACIAS



Ye dificil a vegadas escribir, ahiere estio un diya d'acontecmientos, un diya ta meter-se en marcha, d'informar a os tuyos amigos, de parar as cosas ta marchar enta l'alfaxeria y a piaza San Felipe pero huei dimpués de penchar n'a mia finestra a bandiera con o crespon ye cuan a tristura m'ha plenau de raso, huei en o silencio, con todas as leuturas, as fotos, os omenaches d'un pueblo, pero sobre tot con as suyas cantas rondiando a cabeza mia. Huei ye cuan veigo que un gran home, un siñor que yera o mas gran exemplo d'o carauter aragones, un verdader ripresentant d'o pueblo aragonés, ixe que l'a zarguera añada en o pregon ascuitaba-nos emocionaus chen d'Aragon, Asturias, Castilla, La Rioja, Valencia y Catalunya a mans chuntas, ixe home s'en ha iu, pero una vegada mas ha feito o que millor sapeba que ye unir a o pueblo Aragonés enta un mesmo camin.

Gracias Labordeta.

Roberto Bazán.



Es dificil a veces escribir, ayer fue un día de acontecimientos, un dia para ponerse en marcha, un dia para informar a tus amigos, de preparar todo para ir a la Aljaferia y despues a la plaza San Felipe pero hoy, despues de colgar en la ventana la bandera con el crespon negro es cuando la tristeza me ha llenado del todo, hoy en el silencio, con todas las lecturas, las fotos, los homenajes de un pueblo, pero sobre todo con sus canciones rondandome la cabeza. Hoy cuando veo que un gran hombre, un señor que era el mas grande ejemplo del carácter aragonés, un verdadero representante del pueblo aragonés, ese que el año pasado en el pregon escuchabamos emocionados gente de Aragón , Asturias , Castilla, La Rioja, Valencia y Cataluña con las manos juntas, ese hombre, se ha ido, pero una vez más ha hecho lo que mejor sabía que es unir al pueblo Aragonés hacia un mismo camino.

Gracias Labordeta.

Roberto Bazán.

domingo, septiembre 19, 2010

Dica siempre "Abuelo"

Que dicir huei, no dixara d'estar un simbolo aragones, siempre mos n'alcordaremos d'ixe "a la mierda ya hombre", d'as suyas cantas, "l'albada", "somos", "la vieja", "el poeta", "Aragón", "todos repiten lo mismo" y "el canto a la libertad", y de tot aquer que luitaste por istas "tierras olbidatas". Una fortal carrazada "abuelo".

domingo, septiembre 12, 2010

Fer u no fer vaga?

Ista ye una pegunta que ronda por o mio treballo dende fa diyas, s'ascuita de tot, chent que diz que no ye d'alcuerdo que ye masiau tardi (mas tardi sera si no la fes mai, me pienso yo...), atros que dicen que no les fan goy os sendicatos, que solo que i son ta "poner la mano", e dimpues atra chent que creye alacetal fer-la si no queremos veyer-nos muitismo peor en bel par d'añadas. Yo soy d'istos zaguers pero me soy pensando muit muitismo fer-la u no. Explanico o tema.
O mio treballo ye un treballo sub-contratau, en iste una interpresa gran, bosa uns diners por o mio servicio a qui dimpues me bosa o salario. Dende a interpresa que me bosa m'ha sorprendiu que quasi mos animase a fer a vaga, una cosa que me "mosqueaba", por ixo he investigau una miqueta y jolio! que m'he trobau!, a interpresa gran no fera garra penalizacion si femos huelga con o que a interpresa mia, a que me bosa o salario, gana dos vegadas si m'en voy de vaga y l'unico que remata perdiendo diners so yo, por ixo encara no se que fer. De todas trazas, eslicha lo que eslicha, aspero que ista vaga siga tot un exito, que no i manque garra aturau, que os luitadors d'os sendicatos mas chicorrons sigan n'a primer plana y que de verdat sirva t'amostrar que no tragamos con tot, que ya ye prou!.

viernes, agosto 27, 2010

L'inte mio

Huei, agora, m'he i meso a escribir sin de cosa que dicir, sin querer opinar de res, no fere d'a mia ambiesta un post mas, soy fablando solo que de sentimientos, d'os mios sentimientos. En alto u baxo una horeta, sacare ixe nublo que denzima mia, leva cuasi un mes cusirando que a felicidat no i dentre en yo y dixando-me chunto a ixa calor xuta que ye a mia sombra. Iste ye l'inte de redir-me, d'emplir-me, ye l'inte de renaixer cual o fenix, ye l'inte de prencipiar una vegada mas, un camin mas, una añada mas, sin garra duda , ye o mio inte.

lunes, agosto 02, 2010

Cada diya menos

Ya fa tiempos que no fablaba verdaderament d'as nuestras quiestas tierras olbidatas. Iste estiu ye un exemplo mas de como l'estau contina fendo chugadas d'as suyas, os retallos en infraestructuras, mira-te que no n'i han diners, que no se puet fer isto que tampo no l'atro.... una vegada zaga d'atra son retallando, aplazando y dixando buedos proyeutos alazetals que cuestan vidas a os ciudadans. En Aragón s'aceuta que a inversión siga retallada (Aragón ye asinas), suposo que por o bien cheneral de quimisio, pero por qué a sociedat Aragonesa aceuta que se fiquen diners no recreiximiento de l'entibo de Yesa, que ye platero NO FA GARRA FALTA, u que se contine subvencionado as corridas de toros dende o gubierno publico, y no mueve ni un dedo ta demandar que se remate l'A68, l'autopista a Pamplona, se desdoble l'A2 etc... como jiban os 80Km de linia contina, pero solo metemos o grito n'o ciel n'a tabierna. Al cabo siñors solo quedamos nusatros ta demandar y chilar por istas, as nuestra tierras olbidatas

viernes, julio 16, 2010

Andanda

"Todas las cunas han abrazado con amor y ternura a sus hijos más ilustres, a los futbolistas que harán por siempre eterna a España."

Heraldo de Aragon, articulo : De olvidado a pregonero.

Os pelos como escarpias, ¿dica quan plegara semechant rancierio?

lunes, julio 12, 2010

"Puto Barça y puta Cataluña"


Y agora me foi yo a pregunta : ¿aon i son huei totz aquers que en cualsiquier partido de futbol gosan cantar tras su bandiera espanyola, "puto barça y puta catalunya"? o ye que dentre Iniesta, Villa, Busquets, Pedro, Xavi, Puyol y belún mas no en i han dengún catalán o chugador d'o Barça?
Ye platero que a coderentcia y o futbol no chuegan en o mismo equipo.

martes, julio 06, 2010

domingo, julio 04, 2010

Fendo historia




Somos fendo historia, mos cuaque u no somos embrecaus en un proceso de cambeo, en un punto d'inflexión, en un inte que ye o prencipe d'un mundo esferent. A muitos mos fería goyos veyer una virache enta un mundo mas social, mas ecolochico y mas chusto, de feito mos van a fer creyer que ixa ye a reyalidat pero o camin que s'ha encetau qui sabe quan, ye o pior camin ta la chusticia y ta l'individuo. Solo que cal veyer os politicos, as noticias, a carrera... iste no ye un proceso amagau ye de puertas bataleras, mos informan d'el y mesmo remataremos por votar-lo.

Huei huello en "El País" que "La banca alerta de un corte del crédito", si leyetz l'articlo plegaretz en a ideya de que ixe credito que se va a retallar afeutará prencipalment a las pymes (anque tamien diz que tas interpresas grans pero istas gosan d'haber mas capacidat de maniobra), cuala ye a radiz de l'articlo?, o Banco d'españa va a baxar o tiempo (de dica 5 añadas a 1 añada) que os bancos y caxas tienen ta retornar l'importe d'os creditos impagaus por as interpresas, dica agora cuan una empresa no podeba bosar o credito s'en teneban dentre 24 y 72 meses ta negociar una salida a ixe problema, agora solo que i habra 12 meses.

Cuan fablamos d'una interpresa gran probablement os bancos, caxas y ers mesmos, i metan tot o suyo empenyo en dar una salida "cordial" a ista afrenta pero ¿como se comportaran as mesmas entidatz de credito con os autonomos y as pymes? simplement no se comportaran porque direutament no daran os creditos a no ser que se "empenyen" os inmuebles de ditos autonomos y pymes.

Un país cuyo rete de pymes y autonomos ye amplo ye un país independient con prous fuerzas ta soportar as crisis, os empentons d'a globalizacion y o chuego d'os mercaus financieros, e ixo no i dentra en os plans d'a economía global, a mesma que creyo ista crisis y que no la rematara dica que cumpla os suyos plans.

Allora, cual ye ixe mundo esferent que fablaba entalto? ye un mundo sin d'oportunidatz t'o chicot empresario, ye un mundo globalizau que coloca en o tuyo salon un televisor 3D a cambio de treballar sin chistar, ye un mundo en o que a democracia sera a capacidat d'eslechir solo dentre as suyas opcions, ye un mundo en o que as ciencias sigan solo que "formacion t'a producir", un mundo sin presonas, solo que con "personal productivo", un mundo buedo anque la chent creiga que ye libre sin ser-lo, un mundo n'o que sin parar cuenta ya somos vivindo.

jueves, junio 17, 2010

O prencipe de l'estiu.... u no?

Somos en o prencipe de l'estiu, u no?, parixe que l'orache mos remera que as cosas no marchan como cal. Ya totz lo sabemos, a reforma d'os dreitos d'os treballadors, os retallos n'os salarios d'os treballadors, l'ature d'os treballadors y toda una ripa de politicas endrezadas t'os grandes empresarios ta que continen chugando con os treballadors. Quí son os empresarios? empresarios son as botigas d'o tuyo bico anque puetz mercar pan u alpargatas y tamién son empresarios, aquers atros, que chunto a os bancos, nos han meso en ista crisis. Ixos d'a especulacion, d'o mangoneo y d'as contratas publicas. Ista nueva reforma d'o treballo no aduya a o empresario chiquet que veye como ha de trancar sus botigas y autibidatz porque os politicos y as suyas asociacions no fan as lais endrezadadas ta ers, sino que buscan o "mogollon del burgués gordo". Iste "burgués gordo" ye ixe que veye a vida y o mundo como o suyo campo de chuego y chunto a su colla, compiten ta conseguir rematar mas "gordo" que l'atro. Isto ye platero n'a Bolsa, uns dixan cayer un rumor ta que baixen as accions d'un "gordo" asinas cuan en son baixas atro "gordo" merca una ripa y suelta atro rumor ta que puyen en bels diyas, asinas s'han feito bels millons d'euros sin veyer un billete, iste ye o suyo chuego. Tanimientres en o mundo reyal cuan baixan ixas accions, treballadors son despedidos, familias pierden ingresos y a chent lo pasa mal, pero ixo ye atro mundo esferent d'aquer d'os "gordos". Por qué pasando isto a chent no s'en debanta? porque una gran parti d'a chent creye que forma parte d'os "gordos" u d'os "casi gordos", a publicidat mos ha feito creyer que somos d'ixos "gordos" por mercar "marcas" y servicios (prencipalmente pasando por o banco) que s'antuellan "de gordos" e ixo mos gusta. Ye triste pero ista crisis no ye nueva, no prencipio fa dos añadas ni cuatro, ista crisis ye un "tornar a la reyalidat" ye una mena de despertar d'un "suenyo hipnotizador" que os "gordos" no han puesto mantener en piet.

viernes, abril 09, 2010

Me plega dende o LFZ:

Buen diya a toz:
A presentazión d'a proposa d'ortografía de l'Academia de l'Aragonés en os primers meses d'ista añada 2010 ha feito que bi aiga una nueba traza d'escribir en a nuestra luenga. Una gran parti d'a chen que charra aragonés conoxe as caracteristicas chenerals d'istas proposas. Manimenos, o que no se gosa conoxer son as razons que s'han atendíu ta eslechir una u otra d'as opzions posibles.
A ideya d'istos seminarios no ye que se presenten as ortografías, si no que s'esplique por qué s'han preníu as dezisions que s'han preníu. Queremos ufrir a la chen no espezializada a oportunidá de saber as razons que han lebau a lo primer congreso a proposar que o berbo beyer s'escriba "beyer" y as razons que han lebau a l'Academia de l'Aragonés a proposar que s'escriba "veyer", por exemplo.
Dimpués d'os dos seminarios (uno ta la ortografía d'o primer congreso y unatro ta la proposa d'ortografía de l'Academia de l'Aragonés), se ferá un chicot debate en o que i podrá partizipar cualsiquier presona presén.
Ligallo de Fablans de Zaragoza tos combida a asistir a os seminarios d'ortografía que se ferán os diyas 16 d'abril (Manuel Castán y Juan José Segura esplicarán a bersión de l'Academia) y 30 d'abril (Francho Nagore esplicará a bersión de lo Primer Congreso) a las 19:00 en a sala de conferenzias d'o zentro zibico Teodoro Sánchez Punter (bico de San Chusé).
Tos agradezemos que renimbiez iste correyo a toda chen que creyaz que puedan estar intresaus.
Tos i asperamos!
Ligallo de Fablans de Zaragoza



viernes, febrero 19, 2010

Tornando a aprender

Buenas nuevas. Ye posible que totz vusatros ya sabrez que ayer se publicó a proposa grafica de l'Academia de l'Aragonés. Por as pocas cosetas que he leyiu d'iste documento a proposa me parix de lo mas encertada, y de feito he prencipiau a ferla servir (u a lo menos ixo intento, correxirme si cal).
Una d'as cosas mas importantz ye l'aspecto d'os textos. Perén, m'heba paixito qüasi dolorosa a lectura de bels textos en aragonés, será por a mia edocación en castellano, pero muitas vegadas bi heba frases que parixeban mas una errata que unatra fabla. A la fin, n'a primera huellada y sin afundar en a proposa, creigo que s'ha plegau en una grafía que puet estar clau n'o desarrollo de l'aragonés y que sin garra duda l'otorga una imachen culta sin asustar por a suya complexidat.

As mías felicitacions a l'Academia y a su tan asperado treballo.

martes, febrero 02, 2010

Ye o tuyo




Si ya no me fablas, ni m'escribes, si t'arrigues de yo, si me ixublidas dentre as tuyas cosas biellas, si no m'amuestras ni me presentas a os tuyos amigos, si no treballas con yo, si no me puets susurrar, allora de que sirbe que m'entiendas. SI CHARRAS, FABLAME, ye o tuyo/es lo tuyo