lunes, octubre 27, 2008

Trobada de Fabloggers 2008


Biemplegaus a la "II Trobada de Fabloggers". Dezaga queda toda una añada de notizias, post, nuebos blocs, libros, publicazions, y una ripa de cosetas ta fer onra a l'Aragonés....

Biemplegada tu "Trobada 2008", ista semana se presenta a II Trobada de Fabloggers, con un camatón de nuebas proposas. Se ba a parar un concurso de microfalordias con premios en metalico t'os ganadors, una buena charrada y una borineta ta zilebrar que continamos entadebán. En a pachina web podez trobar o programa y estoi que ao luengo d'a semana se'n ira metiendo toda a informazion d'os premios y as bases d'o concurso (que abrirá o plazo o diya 1 de nobiembre). No tos la perdaz y anemo ta concursar!!!!!!

http://trobada.blogdns.net

lunes, octubre 13, 2008

A Bal d'Espartera

Una nuei n'a Bal d'Espartera, estio una nuei borreguil, parixebanos chotos, güellas que les ne leban t'apaxentar. Bi eba chen bien pincha, poco pincha, fiera, sin de bergoña, bi'n eba de toz. As dentradas se mercaban ascape una begada yeras en a taquilla, diez segundos yeran prous ta dizir “dos” bosar y recullir a resta. Dimpués caleba dentrar-ie. Lurteeeeee! Toz ta dentro sin d'educazión, sin turnos ni puestos, a yo me fa grazia pues en istas situgazions no puedo dixar de redir-me. En que yes dentro a mision ye feita!, agora cal “apaxentar”. Pizzas, calimocho, bieras, bel mezclallo.... as oretas pasan y astí somos con a nuestra siñal d'o porron bien pincha y altera. A mosiqueta no ye mala y bi'n ha de muitisma bariedat, y o lumer de güellas parix estar por as 50.000. En ixe inte yo me meto a pensar y m'en digo que si toda ixa chen charrase aragonés a luenga ese ganau bel sieglo mas de bida, que con nomás una dezisión politica, toda ixa chen que s'en torna barrenada por dentrar a o campo de recreyo, podeba mantener una riqueza de sieglos. En l'aragonés toz mos esforzamos en mantener,informar, luitar, amostrar, aprener, escribir, expardir, muitos adedican a suya vida en isto ta que no s'amorte y beyes que con muitismo menos esfuerzo y una mica de diners un politico podeba fer tot o treballo que dica agora s'ha feito solo que siñando un papel. A la fin nomás mos queda continar a luita por as tierras que nhusatros no gosamos xublidar.