domingo, noviembre 02, 2008

Carta dende a chera

Ista ye a microfalordia ta patizipar en o concurso d'a Trobada de Fabloggers 2008


CARTA DENDE A CHERA

Quiesta aimada mía t’escribe o mío corazón dende una fosca cambra n’o ecsilio. Un puesto fredo ta un esprito ardiente, una garchola de sentimientos y parolas. M’en alcuerdo de tu en toz os intes n’os que fablo, cuan amo, cuan pleiteo. M’en alcuerdo d’a sabor tuya cuan yeras n’a mía boca y garra cosa podeba aibar-te de yo. Agora me soi cremando d'enzima d'a calor d'as boz de un pueblo y en o fumo d’ista chera m’afogo vida mía, m’afogo solenco, porque no puedo dizir que a mía luenga yes tú.