Mai, quiero estar patrimonial

Ayer en Zaragoza se represento "Yésica, un abrio d'agora. A primé obra en ansotano" Tot o que se i beyo estió una pasada. Os actors y actoras, o escenario, o tema y a traza de charrar. Feba goyo sentir un ansotano natural, propio, sin d'aturadas con una coderenzia y ritmo d'enbidiar. Ixo ye a polidez d'a luenga, una luenga que queremos aprender y charrar d'ixa traza toz os neofablans, rai si ye ansotano, cheso, belsetan o ribagorzano a luenga aragonesa ye polida en todas as bariedaz suyas y no la foi polida yo, ni atros neofablans como yo, la fan polida aquers que l'aprenden d'a suya mai a o margen de tot. Ayer una begada más paro cuenta que cal una lai de luengas ya, que permita a toz nusatros fer uso d'ixa polidez, que mos permita sentir-la n'a telebisión, en o teyatro, en a radio y charrar-la d'entre nusatros sin de problemas y cal que toz aquers patrimonials, que guardan un tresoro que mai podeban aber prexinau, sigan una parti alazetal en a espardidura de lo suyo, de lo de toz. Ley de lenguas YA